Udbud om oprydning af marint affald og storskrald ved fjordsystemerne i Arfersiorfik og Nasuttooq

Neqerooruteqartitsinerup atorunnaarsinneqarnera aamma neqerooruteqartitseqqinneq: Arfersiorfiup Nassuttuullu kangerluini eqqakkanik imaani sinerissamilu qimaannarneqarsimasunik eqqakkanillu angisuunik saliineq

Suliakkiisoq: Kommune Qeqertalik aamma Qeqertalik Business Council (QBC)

Pineqartoq: Arfersiorfiup Nassuttuullu kangerluini eqqakkanik imaani sinerissamilu qimaannarneqarsimasunik eqqakkanillu angisuunik saliinissaq pillugu sullissinissamik isumaqatigiissummut pisortatigoortumik neqerooruteqartitsineq.

Matumuuna nalunaarutigineqarpoq suliassaq qulaani taaneqartoq pillugu neqerooruteqartitsineq tamanut saqqummiunneqarsimasoq, pisortat oqartussaaffigisaanni suliffeqarfiinilu nioqqutissanik kiffartuussinernillu pisiniarnermut tunngatillugu neqerooruteqartitsisarneq pillugu Inatsisartut inatsisaat nr. 6, 12. juni 2019-imeersoq naapertorlugu atorunnaarsinneqartoq.

Neqerooruteqartitsineq atorunnaarsinneqartoq aallaqqaammut 2026-imi augustimi tamanut saqqummiunneqarpoq, neqerooruteqartitsinermut nalunaarummi neqerooruteqarnissamut piffissaliussaq 10. september 2026 nal. 12.00 Kalaallit Nunaata kitaata nalunaaqutaa naapertorlugu, aammalu Neqerooruteqartitsinermi piumasaqaatini 14. september 2026 nal. 12.00 nalunaarneqarsimallutik. Suliakkiisup piffissaliussat taakku marluk tamaasa tunngavigai, neqerooruteqartoq kinaluunniit ajornerusumik inissinneqannginnissaa qulakkeerniarlugu.

Neqerooruteqartitsineq atorunnaarsinneqarpoq, Suliakkiisoq neqerooruteqarnissamut piffissaliussat naaneranni neqeroorummik ataasiinnarmik tigusaqarsimammat. Tamanna tunngavigalugu Suliakkiisup neqerooruteqartitsineq atorunnaarsinniarlugu aalajangerpaa, suliassaq neqerooruteqartitseqqinniarlugu.

Suliassaq pisortatigoortumik neqerooruteqartitseqqinnikkut ataasinngorneq 5. oktober 2026 tamanut saqqummiunneqassaaq.

Ullormit tassanngaaniit neqerooruteqartitsinermi atortussat nutaat pisortatigoortumik neqerooruteqartitsinermut nittartakkami akeqanngitsumik toqqaannartumillu pissarsiarineqarsinnaassapput. Siusinnerusukkut neqerooruteqarsimasut aamma suliffeqarfiit allat soqutiginnittut neqerooruteqartitseqqinnermi suliassamut neqerooruteqarnissamut qaaqquneqarput.

Paasissutissat annertunerusut pillugit kalaallisut imaluunniit qallunaatut allagaqarluni uunga saaffiginnittoqarsinnaavoq:

• Inuk attaveqaat: Hanne Holm Andersen, fagkoordinator

• E-mail: hha@qeqertalik.gl

• Oqarasuaat: +299 38 70 45 / +45 71 79 84 24

Ordregiver

Kommune Qeqertalik og Qeqertalik Business Council (QBC)

• ID: UDB-26-053

• Kontaktperson: Hanne Holm Andersen

• Email: hha@qeqertalik.gl