Nalunaartarneq
Indhold
Kalaallit Nunaanni uumassusillit sananeqaataasigut isumalluutit atornissaat pillugu akuersissummut nalunaartarneq ilaasussaavoq.
Ukiumoortumik n alunaaruteqarnermi ilaatigut tulliuttut pillugit allassimasoqassaaq:
- Akuersissutip atuuffiata nalaani isumalluutit suut atorneqarsimappat
- Atukkat atornerinut angusat, tassunga ilanngullugu akuersissuteqarnerup nalaani misissuinerit inerisaanerillu
- Uumassusillit sananeqaataasigut kingurnuttagaasunik isumalluutitallit niuernerup iluani atorneqarsinnaasut suunersut
- Uumassusillit sananeqaataasigut kingurnuttagaasunik isumalluutitallit atornissaannut pilersaarummi allannguineq
- Akuersissuteqartimit imaluunniit akuersissuteqartoq sinnerlugu uumassusillit sananeqaataasigut kingurnuttagaasunik isumalluutitallit pillugit imaluunniit taakkununnga attuumassusillit pillugit saqqummersitsinerit nittarsaassinerillu
Nalunaaruteqarnissamut immersugassaq immersoriarlugu nalunaaruteqarneq issin@nanoq.gl -iumut nassiunneqassaaq.
Nalunaaruteqarnissamut immersugassaq quppernermi matumani nassaarineqarsinnaavoq.
Saqqummersitsinerit
Saqqummersitsinerit
Kalaallit Nunaanni uumassusillit sananeqaataasigut kingurnuttagaasunik isumalluutitallit pillugit misissuinermit ilisimatusarnermilluunniit paasisat tamanut saqqummiutissagaanni nittarsaatigissagaanniluunniit, piumasaqataavoq saqqummersitsinerup nittarsaassinerulluunniut kingorna saqqummersitsineq pillugu Naalakkersuisunut nalunaaruteqarnissaq.
Akuersissummik pigisallit saqqummersitsinerit imaluunniit allatut tamanut saqqummiussinerit kinguninnguagut angusat Kalaallit Nunaanneersut saqqummiunneqarnissaat pillugu Inuussutissarsiornermut Aatsitassanullu Naalakkersuisoqarfimmut nalunaassallutik pisussaaffeqarput.
Saqqummiussineq pillugu nalunaarneq pissaaq immersugassap uunga nassiunneratigut: isiin@nanoq.gl
Ilisimatusartut eqimattakkaat saqqummiussaat pillugit paasissutissat nittartakkami uani tamanut saqqummiunneqarumaarput.
Immersugassaq nittartakkami matumani nassaarineqarsinnaavoq.