Neqeroortitseriaatsinut takussutissiaq

Tamanut ammasunik neqerooruteqartitsineq

Tamanut ammasumik neqerooruteqartitsinermi kinaluunniit neqerooruteqarnissamut periarfissaqarpoq.

Killeqartumik neqerooruteqartitsineq

Killeqartumik neqerooruteqartitsinermi pisinissamik nalunaaruteqartoq piareersaataasumik piukkunnartussarsiuussinermik ingerlatsissaaq. Pisinissamik nalunaaruteqartoq neqeroortitsineq pillugu nalunaarummi aalajangissava, piareersaataasumik piukkunnartussarsiuussinissat naatsorsuutigineqartut neqerooruteqartussat amerlassusiat. Taakku amerlassusissaat akunnequtitut allanneqarsinnaavoq, tamatigulli ikinnerpaamik 3.

Neqerooruteqarnissamut piukkunnassusiliinissami peqataatinneqarnissamut kinaluunniit qinnuteqaateqarsinnaavoq, kisiannili suliffeqarfiit neqerooruteqarsinnaasutut piukkunnassusilerneqarsimasut kisimik neqerooruteqarsinnaatitaapput.

Siumoortumik nalunaaruteqarluni isumaqatigiinniarfiusumik neqerooruteqartitsineq

Siumoortumik nalunaaruteqarluni isumaqatigiinniarfiusumik neqerooruteqartitsinermi pisinissamik nalunaaruteqartoq piareersaataasumik piukkunnartussarsiuussinertalimmik  neqerooruteqartitsissaaq, aamma “Killeqartumik neqerooruteqartitsineq”-mi.

Neqerooruteqartitseriaaseq una atorneqarsinnaavoq aatsaat:

1. pisinissamik nalunaaruteqartup pisariaqartitai aaqqiinernik pissarsiassaareersunik tulluarsarneqarnatik akuersaarneqarsinnaanngippata

2. isumaqatigiissummut ilaappat ilusitigut imaluunniit nutaaliornikkut aaqqiinerit

3. sullissinissaq pillugu periaatsitigut immikkuualuttortalersuutit imaluunniit piumasaqaatit atugassarititaasullu neqeroortitsinermi pappiarartat naammaginartumik eqqoqqissaartuunersut aalajangiunneqarsinnaanngippata.

4. tamanut ammasumik imaluunniit killeqartumik neqerooruteqartitsinermut atatillugu neqeroorutit akuerineqarsinnaanngitsut kisimik saqqummiunneqarpata, imaluunniit neqerooruteqartitsinissamut piareersaataasumik piukkunnartussarsiuussinermut  toqqaaneq pillugu noqqaaneq akuerineqarsinnaanngippat, imaluunniit 

5. pisiassap eqqarsaatigineqartup 1 mio. koruunit nalinganit annikinneruppat, taamaattorli nakorsaqarfimmi atortussat taakkununngalu atasutut atortussat pisiarineranut 5.000.000 kr.-t inussallugit.

Siumoortumik nalunaarutigineqanngitsumik isumaqatigiinniarfiusumik neqerooruteqartitsineq

Siumoortumik nalunaarutigineqanngitsumik isumaqatigiinniarfiusumik neqerooruteqartitsinermi sullissinerup kissaatigineqartup tunniunneqarnissaa pillugu isumaqatigiinniarnerit aallartinneqarnissaat siunertaralugu pisinissamik nalunaaruteqartoq suliffeqarfimmut 1-imut arlalinnulluunniit toqqaannartumik saaffiginnissaaq.

Neqerooruteqartitseriaaseq una atorneqarsinnaavoq aatsaat:

1. siusinnerusukkut tamanut ammasumik imaluunniit killeqartumik neqerooruteqartitsinermut atatillugu neqeroorutit akuerineqarsinnaanngitsut kisimik saqqummiunneqarsimappata, imaluunniit piareersaataasumik piukkunnartussarsiuussinermi piumasaqaatit akuerineqarsinnaanngippata.

2. pilersuisup taarsernera annertuumik akisuallaartumik aningaasartuuteqarnermik, teknikkikkut ataqatigiinnginnermik imaluunniit ingerlatsinermi aserfallatsaaliinermilu teknikkikkut annertuallaanik ajornartorsiutinik kinguneqassappat siusinnerusukkut pilersuisutut atorsimasamiit pilersuinerit ilassuteqarneri tamatumani pineqarput.

3. pilersuisup ataasiinnaap kiffartuussineq kissaatigineqartoq tunniussinnaappagu

4. pisut neqerooruteqartitsisup naatsorsuutigereersimasinnaanngisai pissutigalugit tamanut ammasumik neqerooruteqartitsinermi, killilimmik neqerooruteqartitsinermi imaluunniit siumoortumik nalunaaruteqarnikkut isumaqatiginninniarnikkut neqerooruteqartitsinermi piffissaliussat malinnissaat ajornarpat, aammalu taamaattoqarpat allatut ajornavinnera naapertorlugu.

5. pisiariniakkap nalinga 1 million kr.-nit annikinneruppat, taamaattorli nakorsaqarfimmi atortussat taakkununngalu atasutut atortussat pisiarineranut 5.000.000 kr.-t inussallugit.

Maannakkut neqeroorutit

• neqeroortitsineq pillugu allaatigisaq pissavarput

• Neqeroortitseriaaseq

• Neqeroortitsinermik kina nassitsisuunersoq

• Neqerooruteqarnissamut piffissaliussaq

• Inuk attaveqaataasoq

• E-mail

• Oqarasuaatip normua

• Neqerooruteqarnissamut imminut sullinnissamut toortagaqassaaq Sullissivik-mut ingerlateqqissavaatit)

• Neqeroortitsinernik ikkussinissaut imminut sullinnissamut toortagaqassaaq (Sullissivik.gl-imut ingerlateqqissavaatit)

Neqeroortitsinermi killiffik

Piffissami aggersumi neqerooruteqartussarsiuunneqartussat